मिति : २ वैशाख २०८१, आइतवार

लक्ष्य क्यापिटल लि.

काठमाण्डौं-२, लाजिम्पाट

यस कम्पनीको संचालक श्री संजीव मैनालीले पेश गर्नुभएको राजीनामा स्वीकृत गरिएको हुँदा रिक्त रहेको संचालक पद परिपूर्ति गर्नको लागि यो सूचना प्रकाशित गरिएको छ । लक्ष्य क्यापिटल लि. का इच्छुक शेयरधनीहरुबाट तपशिलको गुगल फर्म भरि मिति २०८१/१/१५ गते भित्र दरखास्तका लागी आव्हान गरिन्छ ।

https://forms.gle/YXYjABx4jSEyJEBW6

आज्ञाले
कम्पनी सचिव

मिति : २२ मंसिर २०८०, शुक्रवार

मिति : २४ पुष २०७९, आइतवार

लक्ष्य क्यापिटल लि. को

संचालक उपसमिति छनोटको सूचना

यस कम्पनीको भावी नेतृत्व बिकास गर्ने तथा आगामी कार्यकालको लागि नेतृत्व हस्तान्तरण गर्ने उदेश्यले संचालक समितिको मातहतमा रहि कम्पनीको नेतृत्व लिन आवश्यक कामहरु गर्न गराउन लगानी बिश्लेषण उपसमिति निर्माणको प्रकृया आरम्भ गरिएको थियो । कम्पनीका इच्छुक शेयरहोल्डरहरुबाट आवेदन माग गरिएको थियो जसमा इच्छुक शेयरहोल्डरहरुले आवेदन दिनुभएको थियो ।

आवेदकहरुमध्येबाट भौतिक तालिममा सहभागी हुन सक्नेलाई “नेतृत्व विकास तथा व्यवस्थापन तालिम” र “कर्पोरेट व्यवस्थापन तालिम” प्रदान गरिएको थियो । तालिम पश्चात् सहभागीहरुलाई निजहरुले छनोट गर्नुभएको उपसमितिहरुको बिषय सम्बन्धित केस अध्ययन गरि प्रस्तुतिकरण समेत गर्न लगाईएको थियो ।

सो प्रस्तुतिकरणको आधारमा संचालक समितिले निम्नअनुसार उपसमितिका सदस्यहरुको छनोट गरेको जानकारी यो सूचनाबाट गराउन चाहन्छौं ।

• १) श्री श्यामहरि सेंढाई

• २) श्री नेत्र बहादुर श्रेष्ठ

• ३) श्री अनुरोज शाक्य

छनोटमा नपर्नुभएकाहरु मध्येबाट वैकल्पिक सदस्यमा राख्नेतर्फ कुनै निर्णय भएमा पछि जानकारी गराउने समेत अनुरोध गरिन्छ ।

संचालक समिति
लक्ष्य क्यापिटल लि., उत्तरढोका, काठमाण्डौं २

मिति : २० पुष २०७९, बुधवार

“आर्थिक अभियान” दैनिक प्रत्रिकामा प्रकाशित ३५ दिने सुचना!

मिति : १४ भदौ २०७९, मंगलवार

लक्ष्य क्यापिटल लिमिटेडका संचालक, संस्थापक तथा शेयरधनि सदस्य ज्युहरुमा
नमस्कार !

यस लिमिटेडको पहिलो साधारण सभा अन्तर्गतको प्रथम संचालक समितिको निर्वाचन प्रयोजनार्थ म र मेरो समुहलाई निर्वाचन समितिका रुपमा नियुक्त गर्नु भएकोमा निर्वाचन समितिको तर्फबाट हार्दिक धन्यवाद ज्ञापन गर्दै यस निर्वाचन समितिले निर्वाचन सम्वन्धी कार्यतालिका यस लिमिटेडको वेब साइट मार्फत सार्वजनीक गरेको व्यहोरा अवगद गराउदछौं । साथै, निर्वाचन सम्वनधमा कुनै जिज्ञासा भएमा निर्वाचन समिति समक्ष सम्पर्क गर्नुहु समेत अनुरोध गर्दछौं ।
(सम्पर्क नं. ९८४११८३२७२, bhuwandotel@gmail.com)

( भुवन डोटेल )
प्रमुख निर्वाचन अधिकृत
मितिः २०७९।०५।१४

लक्ष्य क्यापिटल लिमिटेड , संचालक समितिको सम्वत् २०७९ साल भाद्र २४ गतेका दिन सम्पन्न हुने निर्वाचन कार्यक्रम निम्नानुसार प्रकाशित गरिएको व्यहोरा सम्पूर्ण सदस्य महानुभावहरुलाई सूचित गरिन्छ ।

• १. निर्वाचन हुने पद र संख्या:- संचालक — पद संख्या ३
• २. मतदाताको नामावली प्रकाशन:- मिति २०७९÷०५÷१३ गते विहान ११ः०० वजे (वेवसाइट)
• ३. मतदाता नामावलीमा दावी विरोध:- मिति २०७९÷०५÷१५ गते ११ः०० वजेदेखि २ः०० वजेसम्म
• ४. मतदाता नामावलीमा दावी विरोधमा जाँचबुझ:- मिति २०७९÷०५÷१५ गते २ः०० वजेदेखि ४ः०० वजेसम्म
• ५. मतदाताको अन्तिम नामावली प्रकाशन:- मिति २०७९÷०५÷१६ गते ५ः०० वजे
• ६. उम्मेदवारीको लागि दरखास्त वितरण:- मिति २०७९÷०५÷१७ गते विहान ११ः०० वजे देखि ११ः३० वजे सम्म
• ७. उम्मेदवारीको लागि दरखास्त समयावधी:- मिति २०७९÷०५÷१८ गते विहान ११ः०० वजे देखि २ः०० वजे सम्म
• ८. उम्मेदवारीले दरखास्त साथ दाखिल हुनु पर्ने शुल्क:- पद शुल्क संचालक रु. ३०००÷– (तिन हजार)
• ८. उम्मेदवारहरुको प्रथम नामावली प्रकाशन:- मिति २०७९÷०५÷१९ गते ५ः०० वजे
• ९. उम्मेदवारीको दरखास्तमा दावी विरोध:- मिति २०७९÷०५÷२० गते समय ः ११ः०० वजेदेखि १२ः०० वजेसम्म
• १०. दावी विरोधको जाँचवुझ:- मिति २०७९÷०५÷२० गते २ः०० वजेदेखि ४ः०० वजेसम्म
• ११. उम्मेदवारको दोस्रो नामावली प्रकाशन:- मिति २०७९÷०५÷२० गते ५ः०० वजे
• १२. उम्मेदवारले नाम फिर्ता लिने:- मिति २०७९÷०५÷२० गते ५ः०० वजेदेखि मिति २०७९÷०५÷२१ गते साँझ ४ः०० वजेसम्म
• १३. उम्मेदवारको अन्तिम नामावली प्रकाशन:- मिति २०७९÷०५÷२१ गते साँझ ५ः०० वजे
• १४. मतदान:- मति २०७९÷०५÷२५ गते शनिवार समय ः विहान १०ः०० वजेदेखि दिउँसो १२ः०० वजेसम्म स्थान ः– मीनभवन क्राउन व्याङ्क्वेट, मीनभवन, काठमाण्डौं ।
• १५. मतगणना:- मतदान समाप्त भएपछि । स्थान :- मीनभवन क्राउन व्याङ्क्वेट, मीनभवन, काठमाण्डौं वा निर्वाचन समितिले तोकेको उपयुक्त स्थानमा मतगणना गरिनेछ ।
• १६. निर्वाचन परिणामको घोषणा:- मतगणना समाप्त भएपछि । द्रष्टव्य :-
  • १. मतदान गर्न आउदा आफ्नो परिचय खुल्ने परिचय पत्र वा नागरिकताको प्रमाण पत्र मध्ये कुनै एक सक्कलै लिई आउन अनुरोध गरिन्छ ।
  • २. विशेष परिस्थितिमा निर्वाचन समितिले कार्यक्रममा हेरफेर गर्न सक्नेछ ।
  • ३. प्रोक्सी मतदाताहरुले प्रोक्सी नियुक्तको पत्र मनोनयन पत्र दाखिला गर्ने समय सिमा भित्र निर्वाचन समिति समक्ष पेश गरिसक्नु पर्नेछ ।
  • ४. प्रति एक कित्ता शेयर वरावर एक मदभार हुने गरि मतदान हुने व्यवस्था रहेको छ ।
  • ५. उम्मेदवारीले दरखास्त साथ दाखिल गरेको शुल्क उम्मेदवारी दरखास्त फिर्ता लिएमा समेत फिर्ता हुने छैन।

( भुवन डोटेल )
प्रमुख निर्वाचन अधिकृत

लक्ष्य क्यापिटल लिमिटेडको मिति २०७९।०५।२५ मा हुने संचालक समितिको निर्वाचनका लागी प्रकाशन गरिएको प्रथम मतदाता नामावली निम्नानुसार रहेको सुचना गर्दछौं । यस नामावलीमा केही फरक पर्न गएमा निर्वाचन कार्यतालिका वमोजिमको समयसिमा भित्र आफ्नो दावी निर्वाचन समिति समक्ष राख्नुहुन अनुरोध गर्दछौं, अन्यथा निर्वाचनको कार्यतालीका मुताविक निर्वाचन कार्यक्रम अगाडी वढ्ने जानकारी यसैसुचनाबाट जानकारी गराउदछौं ।

( भुवन डोटेल )
प्रमुख निर्वाचन अधिकृत

मिति : २ भाद्र २०७९, बिहीवार

श्री संचालक समिति
श्री लक्ष्य क्यापिटल लि.
केन्द्रीय कार्यालय, काठमाण्डौं

बिषय : प्रोक्सी प्रतिनिधि नियुक्ति गरेको बारे ।

महाशय,

....................... जिल्ला ........................ म.न.पा. र न.पा. र गा.बि.स. वडा नं. ........ बस्ने म र हामी यस कम्पनीको प्रथम बार्षिक साधारण सभामा म र हामी स्वयंले उपस्थित भै छलफल तथा निर्णयमा सहभागी हुन नसक्ने भएको हुनाले उक्त सभामा मेरो र हाम्रो तर्फबाट भाग लिन तथा मतदान गर्नका लागि .................................... जिल्ला ................... उपस्थित भै म.न.पा. र न.पा. र गा.बि.स. वडा नं. ........ बस्ने त्यस संस्थाका शेयरधनी श्री ...................................... लाई मेरो र हाम्रो प्रोक्सी प्रतिनिधि मनोनित गरि पठाएको छु र छौं ।

द्रष्टव्यः सभा कक्षमा प्रवेश गर्न यो प्रवेश पत्र अनिवार्य रुपमा प्रस्तुत गर्नु पर्नेछ । प्रोक्सी (प्रतिनिधि) दिंदा र लिंदा आफ्नो समूह उपसमूह भित्र सीमीत रहि लिनु र दिनु पर्नेछ । यो निवेदन साधारण सभा हुनुभन्दा कम्तीमा ९६ घण्टा अगावै संस्थाको केन्द्रीय कार्यालयमा पेश गरिसक्नु पर्नेछ । द्रष्टव्यः सभा कक्षमा प्रवेश गर्न यो प्रवेश पत्र अनिवार्य रुपमा प्रस्तुत गर्नु पर्नेछ । प्रोक्सी (प्रतिनिधि) दिंदा र लिंदा आफ्नो समूह उपसमूह भित्र सीमीत रहि लिनु र दिनु पर्नेछ । यो निवेदन साधारण सभा हुनुभन्दा कम्तीमा ९६ घण्टा अगावै संस्थाको केन्द्रीय कार्यालयमा पेश गरिसक्नु पर्नेछ।

मिति : २ भाद्र २०७९, बिहीवार

Click to open image

मिति : १४ वैशाख २०७९, बुधवार

Click to open image

मिति : २३ चैत २०७८

लक्ष्य क्यापिटल लिमिटेड

विशेष साधारण सभा सम्बन्धी सुचना

(प्रथम पटक प्रकाशित मिति २०७८-१२-२३)

यस लक्ष्य क्यापिटल लिमिटेड मिति २०७८-१२-२२ (तदनुसार अप्रिल ०५, २०२२) गते बसेको संचालक समितिको निर्णय अनुसार विशेष साधारण सभा निम्न मिति, स्थान, र समय मा निम्न विषयहरु उपर छलफल तथा निर्णय गर्न बस्ने हुँदा सम्पुर्ण शेयरधनी महानुभावहरुको उपस्थितिको लागि अनुरोध गर्दछु ।

सभा हुने मिति, स्थान र समय
मिति : २०७९-०१-०९ गते, शुक्रवार
समय : अपरान्ह २ बजे देखि
स्थान : जूम मार्फत् हुने

छलफलका विशेष प्रस्तवहरु (एजेण्डा)
१) कम्पनिको जारि तथा चुक्ता पुँजी वृद्धि गर्ने ।
२) कम्पनिको पुँजी वृद्धि तथा संरचना परिवर्तन गर्न प्रबन्धपत्रको दफा ६ को उपदफ ख, ग र घ संसोधन गर्ने ।
३) विविध

मिति : ९ फागुन २०७८, सोमवार

लक्ष्य क्यापिटल लिमिटेड

लगानी प्रस्ताव आवेदन सम्बन्धी सूचना

यस कम्पनीले लगानी गरि आफ्नो सहायक कम्पनीहरु बनाउँदै लैजानको लागि पूँजीको आवश्यकता रहेका, व्यवस्थापनमा विज्ञ साझेदारको आवश्यकता रहेका, व्यवसाय विस्तार गर्ने लक्ष्य राखेका उद्यमहरुमा लगानी प्रस्ताव आवेदन आव्हान गरिएको छ । प्राप्त आवेदनहरुबाट तोकिएको छनोट प्रकृयाहरु क्रमशः पूरा गर्दै अन्त्यमा उत्कृष्ट ठहरिएका प्रस्तावहरुलाई छनोट गरि लगानी गर्नेछ । छानिएका प्रस्तावलाई यस कम्पनीको समेत लगानी गरि संचालन गरिने प्रकृया अघि बढाइनेछ ।

• १) एउटा कम्पनीले एउटा मात्र प्रस्ताव पेश गर्न पाउनेछ ।
• २) प्रस्तावित उद्यम कम्पनीको रुपमा स्थापना भै संचालनमा रहिरहेको हुनुपर्नेछ । एकल स्वामित्वमा रहेका वा साझेदारी संरचनामा रहेका फर्मको प्रस्ताव स्वीकार गरिनेछैन ।
• ३) प्रस्तावित उद्यम वास्तविक क्षेत्रका उत्पादनमूलक, ब्यापारमूलक वा सेवामूलक उद्योग वा काम हुनुपर्नेछ ।
• ४) प्रस्तावित उद्यमको हाल पूँजी संरचना जे जति रहेता पनि भविष्यमा कम्तीमा १० करोड कूल चुक्ता पूँजी पुरयाउने तथा ब्यापार विस्तार गर्ने प्रतिबद्धता रहेको हुनुपर्नेछ ।
• ५) प्रस्तावक कम्पनीमा लक्ष्य क्यापिटलको लगानी भएपछि पब्लिक कम्पनीमा परिणत गरि कम्तीमा १० प्रतिशत शेयर सर्वसाधारणलाई जारी गरि नेपाल स्टक एक्सचेञ्जमा सूचिकृत गर्ने प्रतिबद्धता हुनुपर्नेछ ।
• ६) प्रस्तावित कम्पनीले कम्तीमा ३० जनालाई प्रत्यक्ष रोजगारी दिने प्रतिबद्धता हुनुपर्नेछ ।
• ७) निर्यातमूलक वा आयात प्रतिस्थापनमूलक र जनजीवीकासंग प्रत्यक्ष सरोकार राख्ने प्रस्तावलाई सुरुवाती छनोटमा प्राथमिकतामा राखिनेछ ।
• ८) प्रस्ताव पेश गर्ने व्यक्ति, फर्म वा कम्पनीले तोकिएको छनोट प्रकृया अनुसार काम गरि प्रस्तुतिकरण गर्दै जानुपर्नेछ । सो प्रस्तुतिको मूल्यांकनको लागि आवश्यकता अनुसार विज्ञहरुको नियुक्ति गरिनेछ ।
• ९) छानिएका प्रस्तावमा होल्डिंग कम्पनीले कम्तीमा २० प्रतिशत देखि १०० प्रतिशत सम्म लगानी गर्न सक्नेछ । प्रस्तावकको अनुरोधमा आवश्यक बाँकी पूँजी जुटाउन लक्ष्य क्यापिटलले आवश्यक पहल गर्न सक्नेछ ।
• १०) छानिएका प्रस्तावको कम्पनी दर्ता गर्ने वा शेयर लिने, पूँजी जुटाउने, दक्ष जनशक्ति नियुक्ति र उपयुक्त प्रणाली निर्माण गरि सहायक कम्पनीको व्यवस्थापनलाई होल्डिंग कम्पनीले हस्तान्तरण गर्नेछ ।
• ११) जनशक्ति तथा प्रणाली विकास गदार्, कम्पनी संचालन गर्दा सत्यनिष्ठा, पारदर्शिता, व्यवसायिकता र जवाफदेहिताको सिद्धान्तको दृढ परिपालना गरिनेछ ।
• १२) प्रस्तावको पूँजी फिर्ता प्राप्त हुने समय (Pay back period) बढीमा ५ बर्षको हुनुपर्नेछ तथा बार्षिक खूद मुनाफा कम्तीमा २५ प्रतिशत तथा लगानीकर्ताहरुलाई दिइने संभाव्य प्रतिफल कम्तीमा २० प्रतिशत दिने आयोजना प्रस्ताव गर्नुपर्नेछ ।
• १३) यस होल्डिंग कम्पनीका सबै सरोकारवालाहरुले प्रस्ताव पेश गर्न सक्नेछन् तर कम्पनीको सरोकारवाला भएकै कारण प्रस्ताव छनोटमा कुनै सहुलियत दिइनेछैन तथा अन्य प्रस्तावक सरहनै प्रतिस्पर्धामा सामेल हुनुपर्नेछ ।

इच्छुक कम्पनीहरुले मिति २०७८ फागुन ३० भित्र २,००० शव्दमा नबढ्ने गरि (नेपाली वा अंग्रेजी भाषामा) आफ्नो प्रस्तावको व्यवसायिक र १,००० शव्दमा नबढ्ने गरि आर्थिक तथ्यहरुको सारसंक्षेप तल उल्लेखित इमेल मार्फत् पेश गर्नुहोला । इमेल बाहेक अन्य माध्यमबाट आएका प्रस्ताव स्वीकार गरिनेछैन । प्रस्ताव छनोटको प्रतिस्पर्धाको समयमा कुनै पनि दबाब दिएमा वा अवान्छित गतिविधि गरिएमा त्यस्ता प्रस्तावहरु स्वतः खारेजीमा पठाइनेछ । प्रस्तावहरु छनोटको प्रकृया, तरीका तथा छनोटको अन्तिम अधिकार यस कम्पनीमा सुरक्षित रहनेछ ।

लक्ष्य क्यापिटल लि.
मेट्रो पार्क बिल्डिंग, दोश्रो तल्ला
राजदरबार उत्तरढोका, लैनचौर, काठमाण्डौं
फोनः ९८०१०२५६२७, इमेल contact@lakshyashare.com,
URL: www.lakshyaholdings.com

मिति : ६ फागुन २०७८, शुक्रबार

Click to open image

मिति : २७ माघ २०७८, बिहिवार

Click to open image

मिति : १८ माघ २०७८, मंगलवार

Click to open image

मिति : १८ माघ २०७८, मंगलवार

लगानीकर्ता साथिहरु,

हामी लक्ष्य क्यापिटल संग सम्बन्धित सबैको लागि खुसीको खबर छ । २०२२ जनवरी २९ सम्म शतप्रतिशत शेयर रकम बुझाउनुहुनेहरुमध्ये २६६ जनाको प्रबन्धपत्र, नियमावलीमा हस्ताक्षर लिएर हामीले कम्पनी दर्ता गराएका छौं ।

सबैजनालाई हार्दिक बधाई ।

अझै पनि पहिलो चरणको शेयरहोल्डरको शेयर लगत बनाउन केहि समय लाग्नेछ । तर अब कम्पनी दर्ता भैसकेपछि २०२२ फेब्रुअरी १ देखि कम्पनीको आधिकारिक बैंक खातामा रकम जम्मा गर्ने व्यवस्था गरिएको छ । पहिलो चरणको शेयरहोल्डर बनि शेयर लगत कायम गराउन चाहनुहुनेहरुले शतप्रतिशत रकम कम्पनीको आधिकारिक बैंक खातामा जम्मा गर्न सक्नुहुनेछ । अब पूँजी रकम कम्पनीको आधिकारिक बैंक खातामा सर्नेछ । २०२२ फेब्रुअरी १ देखि कम्पनीको आधिकारिक बैंक खातामा जम्मा भएको रकम कम्पनीको चालू खाता भएकोले ब्याज आर्जन हुनेछैन ।

केहि समयमै हामी कम्पनीको आधिकारिक बैंक खाता उपलब्ध गराउनेछौं ।

२०२२ जनवरी ३१ सम्म संकलन भएका लगानीकर्ताहरुको रकममा बार्षिक १०.०५ प्रतिशतले हुन आउने ब्याजमा ५ प्रतिशत श्रोतमा करकट्टी गरि हिसाबले दैनिक समय र रकमको भारित अनुपातमा लगानीकर्ताहरुलाई नै ब्याज फिर्ता दिने हाम्रो प्रतिबद्धता अनुसार ब्याज भुक्तानीमा हामी काम गर्दैछौं । ब्याज भुक्तानीको हिसाब गर्ने कटअफ मिति २०२२ जनवरी ३१ रहेको छ ।

यसको लागि लगानीकर्ताहरुको बैंक खातामा ब्याज फिर्ता पठाउनको लागि लगानीकर्ताहरुले आफ्नो १३ अंकको आवेदन नम्बर लक्ष्य क्यापिटल लि. को बेवसाइट www.lakshyaholdings.com मा सर्च बक्समा खोजी बैंक खाता विवरण अद्यावधिक गरिदिनुहुन अनुरोध छ ।

मिति : १ माघ २०७८, शनिवार

प्रिय मित्रहरु,

सम्पूर्ण नेपाल भ्रमणको कार्यक्रम रद्द भएको जानकारी दिन चाहन्छौ ।

[We would like to inform you all that "Visiting All Nepal Program" has been cancelled]

धन्यवाद ।

लक्ष्य क्यापिटल लि.